Иван Ярыгин аатынан Гран-при турнир кыайыылаахтар 150 тыһыынча солк. харчынан наҕараадаланнылар. Иккис-үһүс миэстэлээхтэр туһааннааҕынан 100 уонна 50 тыһыынчаны ыллылар. Кыайыылаах бөҕөс тренерэ – 50 тыһ. солк. бэлиэтэннэ. Ону тэҥэ күрэхтэһиини үөрүүлээхтик түмүктээһиҥҥэ бастыҥ бөҕөстөргө анал бириистэр туттарылыннылар.
Ол курдук, 70 киилэҕэ диэри бастаабыт Исраил Касумов — “Турнир бастыҥ бөҕөһүнэн” ааттанан, Красноярскай кыраай губернатора олохтообут анал бирииһинэн – 300 тыһ. солк. сертификатынан наҕараадаланна.
Оттон Красноярскай куорат дьаһалтатын баһылыгын 250 тыһ. солк. суумалаах сертификатынан, 60 киилэҕэ диэри иккис миэстэлэммит Юлия Пронцевич бэлиэтэннэ.
“Бастыҥ техникатын иһин” диэн анал бирииһинэн – 50 тыһ. солк. сертификатынан 97 киилэҕэ диэри үһүс миэстэлэммит Юрий Белоновскай наҕараадаланна.
Ити курдук, “Кыайыыга дьулуурун иһин” диэн бириис (50 тыһ. солк. сертификат) хаһаайынынан Ханум Велиева буолла. Манна даҕатан эттэххэ, кинилэр бары Красноярскай тустууга кыһатын иитиллээччилэрэ.
Петр ПАВЛОВ, “Саха сирэ”, edersaas.ru