Бу күннэргэ сыстыганнаах дьаҥ турбут кэмигэр урбаанньыттар үлэлэрэ эмискэ тохтоон хаалан, үгүс ыарахаттары үөскэттэ.
edersaas.ru
Ордук туризм эйгэтигэр, гостиница уонна эрэстэрээн биисинэһигэр үлэлиир урбаанньыттар килийиэннэрин сүтэрэн, улахан охсууну ыллылар. Бу уустук балаһыанньаны учуоттаан «Мин биисинэһим» киин Предпринимательство уонна туризм дьыалатын министиэристибэтиттэн эппиэттээх исписэлиистэри ыҥыран, «быһа эпиирдэри» оҥорор. Манна урбаанньыттар бэйэлэрин туһааннаах ыйытыыларын биэрэн, үгүс тирээн турар боппуруостарыгар сүбэлэһэллэр, санааларын үллэстэллэр.
Сарсын, муус устар 30 күнүгэр, күнүс 14:00 ч. — 16:00 ч. диэри быһа сибээскэ «Якутия» национальнай туристическай иһитиннэрэр киин салайаччыта Наталья Тюкавкина кириисис усулуобуйатыгар туристическай хампаанньалары өйөөһүн туһунан кэпсэтии ыытыаҕа.
Туризм салаатыгар ким туох боппуруостаах быһа эпииргэ 8 914 244 45 42 нүөмэргэ эрийиҥ.
Елена ПОТОЦКАЯ, «Саха сирэ» хаһыат, edersaas.ru
Хаартыска: Петр Чугунов.