Устудьуоннар туристическай кэнгириэстэригэр 3000-тан тахса кыттааччы түмсүө. Маннык хабааннаах тэрээһин аан бастакытын ыытыллар.
Алтынньы 22 күнүгэр онлайн-форматынан ыытыллар «Развивая туризм – развиваем Россию!» кэнгириэскэ эспиэрдэр уонна устудьуоннар сэһэргэһиэхтэрэ, санааларын үллэстиэхтэрэ. 2035 сылга диэри Арассыыйаҕа туризмы сайыннарыы стратегията, туризм – профессиональнай сайдыы траекторията, кэлэр кэм туроператора — туризмҥа оҥоһуллар өҥөлөр бырайыактара, экологическай туризм уонна саҥа көлүөнэ туристар, о.д.а. тиэмэҕэ киэҥ кэпсэтии ыытыллыа.
Кэнгириэскэ Арассыыйа бары эрэгийиэннэриттэн, туризм, экология хайысхаларыгар үрдүк уонна орто анал үөрэх кыһаларыгар үөрэнэр 3000-тан тахса устудьуон кыттара күүтүллэр.
Тэрээһин туризм аан дойдутааҕы күнүгэр ананар уонна аныгы ыччакка туризм эйгэтигэр билиини-көрүүнү, сатабылы, үөрүйэҕи үөскэтэр, иҥэрэр соруктаах тэриллэр. Туризмы сайыннарыыга национальнай бырайыакка этиилэри киллэриигэ устудьуоннарга күөн күрэс биллэриллэр.
Кэнгириэскэ туриндустрия лиидэрдэрэ, РФ Экэниэмикэҕэ , Айылҕа харыстабылыгар министиэристибэлэрин, Ростуризм, нуучча географическай уопсастыбатын бэрэстэбиитэллэрэ, уо.д.а. кыттыахтара.
Кэнгириэс бырагырааматын https://turcongress.online саайтка көрүөххэ сөп.
+1
+1
+1
+1
+1
+1
+1