Өймөкөөҥҥө туризм сайдар

Ааптар: 
11.11.2020
Бөлөххө киир:

Бырабыыталыстыба бэрэссэдээтэлин 1-кы солбуйааччытынан анаммыт Кирилл Бычков соторутааҕыта Өймөкөөн улууһугар сылдьан кэллэ.

edersaas.ru

Кини Томторго «Саха сирэ 21-с үйэҕэ» Үтүө дьыала чэрчитинэн тутулла турар аҕыс кыбартыыралаах дьиэ тутуутун кытта билсиһэн баран, бэдэрээччиккэ ыйыы-кэрдии биэрдэ.

Кирилл Бычков улууска туризм сайдыытыгар болҕомтотун уурда. Тымныы хаһаайына Чысхаан резиденциятыгар сылдьан баран, «Тымныы полюһа — Өймөкөөн» бренди сайыннарыыга улуус салалтатын кытта бу боппуруоска санаа атастаста.

Бу көрсүһүү  кэнниттэн Кирилл Евгеньевиһы кытта сиһилии көрсөн Өймөкөөҥҥө туризм сайдыытыгар сыһыаннаах тосхолу анаан торумнуохпут, кэккэ бырайыактары ырытыахпыт, —  диэн бэлиэтээтэ диэн улуус баһылыга Иннокентий Сивцев. 

Елена ПОТОЦКАЯ, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0