Туора Күөлгэ саҥа маҕаһыын аһылынна

17.12.2020
Бөлөххө киир:

Таатта улууһугар, Туора Күөлгэ, саҥа маҕаһыын аһылынна.

Нэһилиэккэ «Үрдэл» диэн Наталья уонна Юрий Турниннар маҕаһыыннара нэһилиэги бүтүннүү аһынан-үөлүнэн хааччыйан олорбута. Бүгүн Турниннар дьиэ кэргэн аныгылыы тутуулаах, куораттан итэҕэһэ суох саҥа маркет-маҕаһыыны арыйдылар. Үөрүүлээх тэрээһини арчыһыт, алгысчыт Виталий Очиров кэлэн алҕаан сиэрин-туомун толордо.

Маҕаһыын хаһаайката Наталья Турнина санаатын үллэһиннэ:

— Нэһилиэкпит дьонугар-сэргэтигэр анаан улахан маркет-маҕаһыын арыйдыбыт. Маҕаһыыммыт уопсай иэнэ 198 кв.м. Атыылыыр саалата 161 кв.м иэннээх. Астан-үөлтэн саҕалаан хаһаайыстыбаннай табаарыгар тиийэ барыта баар. Сайдыыны кытта тэҥҥэ хардыылаан дьоҥҥо-сэргэҕэ табыгастаах усулуобуйаны тэрийиэхтээхпит диэн санааттан кэҥэтэргэ уонна аныгылыы маркет арыйарга быһаарыммыппыт. Кэлиҥ, сылдьыҥ диэн бар дьоммутун ыҥырабыт.

Ульяна Захарова.

+1
0
+1
0
+1
0
+1
0
+1
0
+1
0
+1
0