Маны аах Тыа хаһаайыстыбата

«Тумул» кэпэрэтиип хас да хайысханан оттуу сылдьар

Мэҥэ Хаҥалас улууһун «Тумул» кэпэрэтиибэ окко былаана 800 туонна диэн эрээри, салайааччы Таисия Десяткина сабаҕалыырынан, 700-тэн тахса туоннаны оттуохтарын сөп.

Билиҥҥи туругунан 402 туонна оту оттообуттар. Икки анал звенону сүрүн ходуһаларын таһынан оттуурга тэрийэн ыыппыттар. Петр Куличкин салайар 12 киһилээх, алта тиэхиньикэлээх биригээдэтэ 500 туонна оту оттуур соруктаах, улахан аҥаарын оттообут, оттон Станислав Пономарев көһө сылдьан оттуур алта киһилээх, түөрт тиэхиньикэлээх биригээдэтэ өрүс эҥэр ыытыллан, атын нэһилиэк сирин бүтэрэн баран, бэйэлэрин сирдэригэр киирбит. Былааннара 300 туонна, эмиэ улахан аҥаарын ити күнүнэн оттообуттар. Хаһаайыстыбаҕа өссө 50 туонна кур ото баар.

Майаттан Аркадий Иннокентьев.

0
0