Айылҕа харыстабыла Тыа хаһаайыстыбата

«Тумара» бизоннарын туруктара үчүгэй

Саха сиригэр бизону аҕалан олохсутуу 2006 сылтан саҕаламмыта.

edersaas.ru

Ити сыл Канада “Элк Айленд” национальнай пааркатыттан 30 эдэр бизон аҕалыллыбыта. Салгыы 2011, 2013 уонна 2020 сыллардаахха ити пааркаттан барыта 90 бизон кэлбитэ. Бизоннары ууһатыыга Хаҥалас улууһугар «Уус-Буотама», Горнай улууһугар «Тыымпынай» питомниктар тэриллибиттэрэ. Былырыын Сунтаар улууһугар үһүс питомник тэриллэн, 10 ыччат бизон аҕалыллыбыта. 2021 сыл саҥатынааҕы туругунан, өрөспүүбүлүкэҕэ 250 бизон баар.

«Биология ресурсалара, ураты харыстанар сирдэр уонна айылҕа пааркалара» судаарыстыба бүддьүөтүн тэрилтэтин дириэктэрин бастакы солбуйааччы Анатолий Алексеев уонна Биология ресурсаларын управлениетын начальнига Роман Сметанин методическай көмө оҥорор сыаллаах питомникка сырыттылар. 

— Питомникка былырыын аҕалыллыбыт бизоннар туруктара үчүгэй, кыһыны туоруурга бэлэмнээхтэр эбит. Биһиги вольер комплексын кэҥэтэргэ анаан сири-уоту көрдүбүт, мэччирэҥ ханан үчүгэй буолуоҕун быһаардыбыт. Ону таһынан Сунтаар улууһун дьаһалтатын көрдөһүүтүнэн, исписэлиистэр бизон үөрүн баһылыгар аргыс араадьыйа моойторугу кэтэртилэр, – диэн Анатолий Алексеев  кэпсээтэ.

Бу туһунан «Биология ресурсалара, ураты харыстанар сирдэр уонна айылҕа пааркалара» СБТ сайта иһитиннэрэр. 

Раиса Сибирякова, «Саха сирэ» хаһыат, edersaas.ru б

1
0