Сүрүн Уопсастыба

Туманнаах бастакы тымныылар түһүөхтэрэ

Бу нэдиэлэ бүтүүтэ Дьокуускайга туманнаах бастакы тымныылар түһүөхтэрэ.  Ол курдук, 39 кыраадыс тымныы буолуоҕа. Бу туһунан Саха сиринээҕи гидрометкиинин начаалынньыгын солбуйааччы Татьяна Маршалик иһитиннэрбит.

«Баскаһыанньаҕа уонна бэнидиэнньиккэ 34-39 кыраадыс тымныйыаҕа. Туманнаах буолара күүтүллэр. Урукку өттүгэр туман 40 кыраадыс тымныыга үөскүүр буоллаҕына, билигин 35-36 кыраадыска  да баар буолар. Тоҕо диэтэххэ,  салгыҥҥа таһаарарбыт элбэх», — диэн быһаарар.  Кини быһаарбытынан, ахсынньыга Саха сирин киин өттүгэр күн-дьыл туруга нуорматтан үрдүө суоҕа.  Ол эрээри, бүгүн Уус Алдаҥҥа 49 кыраадыс тымныы буолан, оскуола оҕолоро үөрэммэтилэр.

0
0
Telegram @edersaas20