Уус-Алдан улууһун Тулуна бөһүөлэгин «Татыйык» оҕо саадыгар «Дьиэ кэргэн сатабыла, талба талаана» диэн Дьиэ кэргэн күнүгэр аналлаах бэрт туһалаах тэрээһин буолан ааста.
Татьяна ВАСИЛЬЕВА, edersaas.ru анаан.
Ол курдук, иитиллээччилэрбит ийэлэрэ Нюргуяна Куприянова «Баайыы абылаҥа», Саргылаана Васильева “Сахалыы таҥаһы тигии кистэлэҥнэрэ», Лидия Сергеева «Кыптыый көмөлөөх кыбытык тигии», Мариса Аржакова «Сылгы сиэлин кистэлэҥэ», Дария Федорова «Кыраһыабай буоларга МЭРИ КЭЙ көмөлөһүө» уонна өрүү сүбэ ама биэрэр эбээбит Зинаида Иннокентьевна Васильева «Италиялар пиццаларын хайдах астыахха» диэн араас тиэмэлэргэ маастар-кылаастары ыытан, санааларын үллэстэн, сүбэ-ама бэрсэн, кистэлэҥнэрин арыйталаатылар, ыалдьыттаатылар.
Ону тэҥэ, Норуоттар икки ардыларынааҕы дьиэ кэргэн күнүнэн сибээстээн, уһуйаан үлэһиттэрэ бэйэлэрин баҕаларынан элбэх оҕолоох биэс дьиэ кэргэҥҥэ көмө аахсыйа тэрийэн, үөрэн-көтөн туттардылар. Онтон үгүс сыл иитээччинэн үлэлээбит, элбэх оҕо кутун туппут эти-хааны эрчийии инструктора Мария Николаевна Сергеева бэйэтин уулуссатыгар олорор элбэх оҕолоох дьиэ кэргэттэргэ тыллан эрэр сибэкки арассаадаларын бэлэхтээн, олохтоохтор үөрүүлэрин өссө үксэттэ.
Татьяна ВАСИЛЬЕВА, edersaas.ru анаан.