Дьокуускай таһыгар, Тулагы-Киллэмҥэ, саҥа амбулаторияны тутан бүтэрэн эрэллэр.
Бу «Доруобуйа» национальнай бырайыак чэрчитинэн доруобуйа харыстабылын бастакы сүһүөх звенотун саҥатытыынан тутуллар. Үлэ хаамыытын СӨ Бырабыыталыстыбатын бэрэссэдээтэлин солбуйааччы Ольга Балабкина билистэ.
—Балаҕан ыйыгар Тулагыга саҥа амбулатория үлэҕэ киириэ. Маныаха мэдиссиинэ тэрилтэлэрэ көмөнү оҥоруулара үрдүк хаачыстыбалаах буоларыгар, материальнай-тэхиньиичэскэй баазаларын бөҕөргөтүүгэ СӨ Ил Дархана Айсен Николаев сорук туруорбута, — диэн этэр кини.
Дьокуускайга мэдиссиинэ киинин материальнай-тэхиньиичэскэй хааччыйыыга отделын инженерэ Николай Слепцов тутуу үлэтэ 65% ситэн-хотон турарын бэлиэтээтэ. Бэдэрээччит «Сибтрансстрой» ХЭУо.
70-с сылларга тутуллубут мас балыыһа олус эргэрбитин бэлиэтииллэр.
—-Тутуу үлэтэ кыраапыгынан баран иһэр. Билигин Дьокуускай куорат дьаһалтатын кытта бииргэ амбулатория сирин-уотун оҥоруу боппуруоһа көрүллүөхтээх. Итини сэргэ, балаҕан ыйын 1 күнүгэр эбийиэги үлэҕэ киллэрии боппуруоһа быһаарыллыахтаах, — диэн этэр Ольга Балабкина.
«РФ доруобуйа харыстабылын бастакы сүһүөх звенотун саҥардан оҥоруу» федеральнай бырайыак «Доруобуйа» национальнай бырайыагынан олоххо киллэриллэр.
Хаартыскалар СӨ Доруобуйа харыстабылын министиэристибэтин пресс-сулууспатыттан
+1
+1
+1
+1
+1
+1
+1