Тулагыга дьиэлэр ууга бардылар

Бөлөххө киир:

Кангалас бөһүөлэгин таһынан бөлүүн Өлүөнэ өрүскэ уу таһыма үрдээн, халаан уута Тулагы нэһилиэгин дьиэлэрин ылла. Дьокуускай куорат баһылыга Евгений Григорьев Тулагыга тиийэн миэстэтигэр үлэлии сылдьар. 

Бүгүн, ыам ыйын 23 күнүгэр, сарсыарда алта чаастааҕы туругунан, Кангалас бөһүөлэгин аннынан уу таһыма 1120 см тэҥнэспит. Уу муҥутуур кэрдииһэ бу сиргэ биир миэтирэ. Кангаласка намыһах сиринэн суоллары эмиэ уулла, онон бу диэки айан-сырыы тохтоото.

Билигин Өлүөнэ өрүс мууһа Дьокуускай, Нам, Хаҥалас улуустарын аннынан ааһан иһэр. Суһал ыстаап иһитиннэрбитинэн, Нам, Уус Алдан улуустарыгар уу таһыма муҥутуур кэрдииһиттэн тахсар кутталлаах. Нам Үөдэйигэр номнуо дьиэлэри уу ылан эрэр. Дьону куттала суох сиргэ көһөрдүлэр.

Аграфена КУЗЬМИНА

+1
0
+1
0
+1
0
+1
0
+1
0
+1
0
+1
0