Саха сиригэр пандемия кэмигэр инбэлииттэри, кыаммат кырдьаҕастары, тулаайах оҕолору интэринээт-дьиэлэртэн уонна оҕо дьиэлэриттэн ылбыт дьоҥҥо анал төлөбүрдэр төлөнөллөр. Ыйга 12 130 солкуобай хас биирдии киһиэхэ төлөнөр.
edersaas.ru
Үлэ, социальнай сайдыы миниистирэ Елена Волкова иһитиннэрбитинэн, төлөбүр муус устартан от ыйыгар диэри инбэлииттэри, тулаайахтары, кырдьаҕастары бэйэлэрин дьиэлэригэр олордо, көрө-харайа ылбыт дьоҥҥо төлөнөр. Онон бу көмөнү 3 ый устата Биэнсийэ пуондатын нөҥүө ылаллар.
Өрөспүүбүлүкэҕэ муус устарга, ыам ыйыгар хас киһи инбэлииттэри, кырдьаҕастары, тулаайахтары көрө-харайа ылбыта чопчуланна. Сүрүннээн бу тустаах судаарыстыбаннай тэрилтэлэргэ үлэлиир дьон ылбыттар эбит. Бу кинилэр амарах санааларын, социальнай эппиэтинэстэрин туоһулуур.
Ангелина Васильева, “Саха сирэ” хаһыат, edersaas.ru
Хаартыска: интэриниэттэн.
+1
+1
+1
+1
+1
+1
+1