Сүрүн Уопсастыба

Тулаайах оҕолорго путевка, айан ороскуота төлөнөр

СӨ Бырабыыталыстыбата тулаайах уонна төрөппүт көрүүтэ-истиитэ суох хаалбыт оҕолор сынньана, чэбдигирэ барар путевкаларын уонна эмтэнэ баралларыгар айаннарын ороскуотун төлөбүрүн бэрээдэгин чопчулаата.

Тулаайахтар уонна төрөппүт көрүүтэ-истиитэ суох хаалбыт оҕолор социальнай көмүскэлгэ наадыйар буолан, судаарыстыба кинилэргэ ураты болҕомтотун уурар. Урут путевкалары барытын түмэн, кииннээн ылар эбит буоллахтарына, билигин оҕо бэйэтэ (эппэкиинэ) ылбыт путевкаларын, билиэттэрин төлөбүрүн төннөрөр кыахтаннылар. Эппэкииннэр уонна оҕону иитэр төрөппүттэр социальнай көмүскэл управлениеларыгар тиийэн, сайабылыанньа суруйуохтаахтар.

Күнүскү үөрэххэ сүрүн профессиональнай бырагыраамаларга үөрэнэр тулаайах уонна төрөппүт көрүүтэ суох хаалбыт оҕолорго путевка, билиэт төлөбүрэ төлөнөр.

Бу ылыныллыбыт уураах федеральнай сокуонунан көрүллүбүт миэрэлэр дьайыыларын кэҥэтэн биэрэр уонна тулаайах, көрүүтэ-истиитэ суох хаалбыт оҕолорго көмөлөһөргө көдьүүстээх буолуоҕа.

Ангелина Васильева, “Саха сирэ” хаһыат, edersaas.ru

Хаартыска: sakha.gov.ru

0
0
Telegram @edersaas20