Тулаайах оҕолорго бэлэх оҥорор сыаллаах «Коробка добра» аахсыйа ыытыллыбыта.
Бу аахсыйаҕа кыттыһан Дьокуускай олохтоохторо икки нэдиэлэ устатыгар оонньуурдары, кинигэлэри, кэнсэлээрийэ табаардарын аҕалбыттар. Ол түмүгүнэн барыта 80 бэлэх «Берегиня» оҕо дьиэтигэр от ыйын 28 күнүгэр туттарыллыбыт.
Аахсыйа «Биир ньыгыл Арассыыйа» эдэр гвардеецтарын эрэгийиэннээҕи салаатын көҕүлээһининэн тэриллэн ыытыллыбыт. Бэлэхтэри туттарыыга ХИФУ устудьуоннар биир идэлээх сойуустарын көхтөөх ыччаттара уонна эдэр гвардеецтар кыттыбыттар.
«Эдэр гвардеецтар» аппарааттарын салайар Саргылаана Колесова оҕолорго анаммыт аахсыйаҕа кыттыбыт дьоҥҥо махтанна: «Тулаайах оҕолорго болҕомто наһаа наада. Биһиги кинилэргэ сылаас, истиҥ сыһыаммытын тиэрдэрбититтэн долгуйабыт, үөрэбит», — диэтэ.
+1
+1
+1
+1
+1
+1
+1