Тулаайах оҕолор аты кытта алтыһан эмтэниэхтэрэ

Ааптар: 
Бөлөххө киир:

Саха сирин ыччата “Олох эргиирэ” («Жизненный вираж») бырайыагынан 650 000 солкуобай суумалаах Росмолодежь граанын сүүйбүтүн туһунан сонуну Ыччат Бырабыыталыстыбатын пресс-сулууспата иһитиннэрэр.

“Биһиги бырайыакпыт өрөспүүбүлүкэ 100 сыллаах үбүлүөйүгэр ананар, бу чэрчитинэн 100 тулаайах хаалбыт оҕолор аты кытта алтыһан ковидтан айгыраабыт доруобуйаларын тупсарыахтара (иппотерапия диэн эмтэнии биир көрүҥэ)”, — диэн бырайыак салайааччыта, Ыччат бырабыыталыстыбатын чилиэнэ Ираида Хань этэр. Бырайыак үлэтэ 2023 сыл тохсунньутугар диэри ыытыллыаҕа.

Бырайыакка 3 саастарыттан 17 саастарыгар диэри тулаайах уонна төрөппүт көрүүтэ суох хаалбыт оҕолор кыттыахтара.

Росмолодежь грааныгар дойду араас эрэгийиэннэриттэн 14 013 сайаапка киирбит, олортон 1 063 биһирэммит. «Росмолодёжь. Гранты 1 сезона» күрэҕэр 5 тыһыынчаттан 1,5 мөлүйүөҥҥэ тиийэ суумалаах грааннары айар куттаах бырайыактарга ылыахха сөп.

+1
0
+1
0
+1
0
+1
0
+1
0
+1
0
+1
0