Улууска дуу, куоракка дуу олороргуттан тутулуга суох, кэтэх дьиэ туттуон баҕалаахтарга “Туймаада” хампаанньа уһун болдьоххо бырыһыана суох иэс биэрэр. Бу хайысхаҕа Горнай улууһа балачча үчүгэйдик үлэлэһэрин хампаанньа салалтата бэлиэтиир. Хайа баҕарар үлэ миэстэтигэр хайдах исписэлиис олороруттан улахан тутулуктаах.
Манна дьону кытта үлэҕэ баай үөрүйэхтээх Анна Саввична Тарасова субагенынан сыһыарыллыбыта. Горнай улууһугар 2008 сылтан саҕалаан сыл аайы 20-30 ыал “Туймаада” кирэдьиитин көмөтүнэн саҥа дьиэ туттан киирэр. Муҥутаан, 2011 сыллаахха 37 кэтэх дьиэ тутуллубут. Иэнинэн ыллахха, 2013 сыл көрдөрүүтэ саамай улахан: 3085,8 кв. м. Дьоҕус улууска 10 сыл устатыгар 256 саҥа дьиэ эбиллибит. Оттон саамай элбэх сууманы (19 мөл. 647,4 тыһ. солкуобайы) 32 киһи 2016 сыллаахха иэс ылбыт. Итиччэлээх харчыны ирдэһэн, кэмигэр төннөрүү барыта субагеҥҥа сүктэриллэр. Ону киһитэ Анна Саввична буолан, кыайа тутан эрдэҕэ.
Василий НИКИФОРОВ.
Ааптар хаартыскаҕа түһэриитигэр: «Туймаада» ҮХАПХ генеральнай дириэктэрин бастакы солбуйааччы Алексей Захаров уонна субагент Анна Тарасова (уҥаттан бастакы) саҥа дьиэ туттааччыны кытта кэпсэтэллэр.