Быйылгы Туймаада ыһыаҕар уонна Саха сирин норуоттарын спартакиадатыгар сибээс өҥөтүнэн хаһааҥҥытааҕар да элбэх киһи туһаммытын туһунан «МТС» ПАУо бэлиэтээтэ. Маныаха, МТС өҥөтүнэн туһаныы ааспыт сыллары хас эмэ бүк куоһарбыт.
Бу туһунан СӨ МТС филиалын дириэктэрэ Роман Фелиферов иһитиннэрдэ диэн биллэрэр тустаах тэрилтэ пресс-сулууспата.
—Сыл ахсын Арассыыйаттан, тас дойдулартан ыһыаҕы сэҥээрэн, сэргээн кэлээччи киһи ахсаана элбээн иһэр. Маныаха сибээс өҥөтүнэн туһанааччы, быһа холуйан, сэттэ төгүл улааппыт. МТС ситимэ ордук ыһыах күннэригэр буолбут улахан ноҕуруусканы кыайа-хото тутта», – диэбит.
Фелиферов быйылгы далааһыннаах түһлгэҕэ: Кытайтан, Турцияттан, Кореяттан, АХШ-тан, Италияттан, уопсайа 12-тэн үөһээ араас дойдуттан кэлбит ыалдьыттар МТС ситимигэр холбоммуттарын иһитиннэрбит. Түһүлгэҕэ мустубут күндү ыалдьыттарга икки күн устатыгар 23 түһүлгэнэн 119 тэрээһин арааһа ыытыллыбыта.
+1
+1
+1
+1
+1
+1
+1