“Ыһыахха диэри лоп курдук биир ый хаалла. Уһуннук толкуйдаан баран судургута суох быһаарыыны ылынным – быйыл Туймаада ыһыаҕа онлайнынан барыаҕа”, — диэн Дьокуускай куорат мэрэ Сардаана Авксентьева инстаграмҥа суруйар.
Маннык быһаарыныыны, бастатан туран, аҕа саастаах дьон доруобуйатын харыстыыр инниттэн ылбытын ыйар. “Куорат суһал штаба, ону тэҥэ Кырдьаҕастар сэбиэттэрэ, тэрийээччилэр, алгысчыттар Ыһыах туһунан быһаарыыга биир санаалаахтар, хас биирдии ыал дьиэтигэр олорон бэлиэтиэхтээх. Сыллата Үс Хатыҥҥа Туймаада ыһыаҕар 200 тыһыынчаттан тахса киһи мустар. Ыарыы сыстар куттала үрдүк. Онон коронавируһу салгыы тарҕаппат туһугар дьон алтыһыытын аҕыйатыахтаахпыт”, — диэн Сардаана Владимировна суруйар.
Күн бүгүн онлайн тэрээһин бырагыраамата оҥоһулларын, олохтоохтор бэйэлэрин көрүүлэрин суруйуохтарын сөбүн этэр. Итиэннэ ыһыаҕы ханна даҕаны барбакка, дьиэбитигэр олорон көрсүөҕүҥ диэн ыҥырар.
Хаартыска: СИА.
+1
+1
+1
+1
+1
+1
+1