Дьокуускай куорат суһал ыстаабын быһаарыытынан, Роспотребнадзор ирдэбилинэн, Туймаада ыһыаҕа дистанционнай ньыманан ыытыллар буолла.
Бүгүн, бэс ыйын 7 күнүгэр, Дьокуускай куорат суһал ыстаабын мунньаҕа ыытылынна. Мунньах кыттыылаахтара өрөспүүбүлүкэ кылаабынай санитарнай бырааһа Маргарита Игнатьева суругар олоҕуран, 2021 сыллааҕы Туймаада ыһыаҕын онлайн ыытарга быһаары ылыннылар.
«Өрөспүүбүлүкэҕэ ыалдьааччы ахсаанын 60%-на Дьокуускайга тиксэр. Аны быһыыны ылыы бытаарда. Роспотребнадзор Саха сиринээҕи управлениета ыһыаҕы дистанционнай ньыманан ыытарга сүбэлиир», — диэн Роспотребнадзор санитарнай кэтээн көрүү, лицензиялааһын уонна регистрациялааһын отделын начаалынньыга Георгий Игнатьев иһитиннэрдэ.
Дьокуускай куорат мэриятын пресс-сулууспата
Хаартыска: https://yakutskcity.ru