От ыйын 24 күнүттэн атырдьах ыйын 3 күнүгэр диэри Саха сиригэр туочунай наукалар олимпиадалара ыытыллыаҕа.
Былырыын маннык олимпиада математикаҕа эрэ буолбут буоллаҕына, быйыл физика, информатика предметтэригэр ыытыллар. Ыраахтан олорон дистанционнай олимпиадаҕа Арассыыйа эрэ буолбакка Болгария, Казахстан, Индонезия, Иран, Румыния, Сингапур оҕолоро кыттыахтара. Олимпиада ыытыллыаҕыттан 3500 үөрэнээччи кыттыбыт. Ол курдук Арассыыйа 32 эрэгийиэниттэн уонна 26 тас дойду оҕолоро кыттыбыттара бэлиэтэнэр.
Дьүүллүүр сүбэ хамыыһыйатыгар ХИФУ преподавателлэрэ, учуонайдара киирэллэр. Кинилэри сэргэ, урут бу олимпиадаҕа ситиһиилээхтик кыттыбыт, билигин номнуо устудьуон, аспирант буолбут ыччаттар киирэн сыаналыахтара.
Ульяна Захарова.
+1
+1
+1
+1
+1
+1
+1