«Туймаада» агрохолдинг үлэһиттэрэ ойуур баһаарын умуруорууга көхтөөхтүк үлэлээтилэр
Ойуур баһаардарын умуруорууга «Туймаада» агрохолдинг (генеральнай дириэктэр Петр Ефремов) үлэһиттэрин оробуочай командировка быһыытынан, кыраапыгынан солбуһуннара сылдьан итиэннэ анал таҥаһынан, аһынан-үөлүнэн, туттар тэрилинэн толору хааччыйан туран ыыппыта.
Ол курдук, от ыйын ыйын 20-30 күннэригэр агрохолдинтан күн аайы биэстии киһи Горнай улууһун Маҕараһыгар турбут уоту бохсууга сылдьыбыттара. Атырдьах ыйын 6-9 күннэригэр 15 киһи Кэптин тыатыгар турбут уоту бохсууга үлэлээбиттэрэ. Маны таһынан агрохолдинг Горнайга, Намҥа уонна Тааттаҕа баһаары утары охсуһааччылары аһынан-үөлүнэн көмөлөспүтэ, Бэс Күөлүгэр 18 кубометр иһэр ууну хааччыйбыта.
Агрохолдинг үлэһиттэр доруобуйаларын туһугар эмиэ кыһаллар. Уоту умуруорууга үлэлээбит дьон булгуччулаах социальнай страховка таһынан, агрохолдинг суотугар эбии страховкаланнылар.
Билигин хампаанньа баһаарга сибиинньэлэрин, сүөһүлэрин былдьаппыт дьоҥҥо көмө ырычаахтарын тобулууга үлэлэһэ сылдьар. Бу туһунан агрохолдинг пресс-киинэ иһитиннэрэр.
Раиса Сибирякова, «Саха сирэ» edersaas.ru