Киин куорат олохтоохторо быыбарга көхтөөхтүк кытталлар итиэннэ Кырдьаҕас куоракка дьаарбайаллар.
edersaas.ru
Кырдьаҕас куоракка Крым Россияҕа холбоспутун бэлиэтээһин чэрчитинэн, «Крымfest-2018» бэстибээл буола турар. Ол курдук, «Курууһалаҕа» таҥас-сап, ас-үөл уонна уран тарбахтаахтар уус-уран оҥоһуктарын быыстапка-дьаарбаҥкалара ыытыллар.
Оттон таһырдьа эт, балык атыыта тардылынна. Ону сэргэ коллекционердар араас кэмнээх иһит-хомуос, значок, статуэтка быыстапкаларын туруордулар. Кырачааннар табанан, понинан хатааһылыыллар, сыыртан сырылыыллар. Уһун, тымныы кыһын кэнниттэн үөрэ-көтө мустубут дьону халлаан даҕаны уруйдаата, сааскы чаҕылхай күн күндээрэ тыкта.
Раиса СИБИРЯКОВА, “Саха сирэ”, edersaas.ru
Хаартыскаҕа Андрей Соколов (СИА) түһэриилэригэр норуот күүлэйэ.
+1
+1
+1
+1
+1
+1
+1