Туйгуннар “Анаабыр алмаастарыгар” кэлэллэр

Бөлөххө киир:

АЛРОСА бөлөҕөр киирэр “Анаабыр алмаастара” АУо өрөспүүбүлүкэ үөрэҕин тэрилтэлэрин кытта актыыбынайдык үлэлиир. Үгүс устудьуон хампаанньаҕа хайа уонна геологическай-чинчийэр идэлэргэ быраактыкаланар.

Мин, Марк Михайлович Иванов Бүлүүттэн сылдьабын, Хаандыгатааҕы хайа-геология техникумун стажерабын, “Анаабыр алмаастара” аахсыйалаах уопсастыбаҕа бульдозер машиниһын идэтигэр быраактыкабын бара сылдьабын. Номнуо биир ый гарааска тиэхиньикэ өрөмүөнүгэр үлэлээтим, онтон хайа учаастагар көһөрүөхтэрэ. Манна үрдүк кылаастаах исписэлиистэр үлэлииллэр, үөрэтэр дьон баар, бары омук тиэхиньикэтин өрөмүөннүүрү уонна куттал суох буолуутун быраабылаларын тутуһарга үөрэтэллэр уонна быһаараллар. Бириискэҕэ сири хаһар Япония аныгы тиэхиньикэтин, Италия самосвалларын, Швеция грузовиктарын туһаналлар. Күүскэ сэбилэммит өрөмүөннүүр мастарыскыайдар бааллара үөрдэр, онон барытын быраактыка кэмигэр үөрэтиэххэ сөп.

Биһигини, үс киһини, үөрэх бастыҥнарын быһыытынан, техникуммун быраактыкаҕа “Анаабыр алмаастарыгар” ыыппыта. Оттон үчүгэй үөрэхтээхтэр “Селигдар көмүһэ” ААУо быраактыкаҕа барбыттара.

“Анаабыр алмаастара» хампаанньа хайа-геология техникумугар устудьуоннар үлэ быраактыкатын баралларыгар актыыбынайдык көмөлөһөр, үлэһити таларга олохтоох оробуочай каадырдарга итиэннэ хампаанньа алмааһы уонна көмүһү хостуур оройуоннарын олохтоохторугар тирэҕирэр,

ЫСПЫРААПКА:

Хаандыгаҕа хайа-геология техникума бырамыысылыннаска араас исписэлииһи бэлэмниир. Техникум 07.06.11 сыллаахха “Томпо оройуонун Хаандыга бөһүөлэгэр “Хайа-геология техникума” СӨ судаарыстыбананй бүддьүөт тэрилтэтин тэрийэр туһунан” СӨ Бэрэсидьиэнин 359-РП нүөмэрдээх дьаһалынан аһыллыбыта. Министиэристибэ Саха Өрөспүүбүлүкэтин Идэлээх үөрэхтээһиҥҥэ, каадыры бэлэмнииргэ уонна аттаран туруорууга министиэристибэтин идэлээх үөрэх тэрилтэлэрин систиэмэтигэр киирэр.

Марина Попова – “Майаат” бириискэҕэ “Талахтаах” учаастак остолобуойун хаһаайката

Анаабыр национальнай оройуонун Үрүҥ Хайа сэлиэнньэтин олохтооҕо Марина Александровна Попова “Майаат” бириискэ “Талахтаах” учаастагын остолобуойугар асчытынан үлэлиир.

«Мин Үрүҥ Хайа дьаһалтатын нөҥүө «Анаабыр алмааһын» «Талахтаах» хайа учаастагар асчыт наадатын билбитим. 2021 сыл ыам ыйыгар хантараакка илии баттаабытым. Бу кэмҥэ диэри 16 сыл орто оскуолаҕа асчытынан үлэлээбитим, онон уопуттаахпын. Ол гынан баран, оскуолаҕа 200 оҕону аһаппыт буоллахпына, манна күн аайы ыарахан үлэҕэ сылдьар улахан эр дьоҥҥо 400-чэ порцияны бэлэмниэххэ наада. Ол иһин, биһиги менюбутугар мэлдьи элбэх эт уонна балык баар. Аһылыкпытын оҕуруот аһынан уонна салааттарынан байытарга кыһаллабыт. Билигин ыһыахха бырааһынньык менютун: эттээх уонна оҕуруот астаах салааты, бэрэскини, лэппиэскэни, ойоҕоһу уонна фрукталары бэлэмниибит. Саҥа кэлэктиипкэ үөрэнэ сылдьабын, миигин өйөөбүт биир идэлээхтэрбэр махтанабын”, – диэн Марина Попова кэпсиир.

АЛРОСА бөлөҕөр киирэр «Анаабыр алмаастара» АУо үлэһити таларыгар олохтоох оробуочай каадырдарга итиэнньэ хампаанньа алмааһы уонна көмүһү хостуур оройуоннарын олохтоохторугар тирэҕирэр,

ЫСПЫРААПКА: Үрүҥ Хайа сэлиэнньэтэ Анаабыр национальнай (долган-эбэҥки) улууһугар киирэр . Үрүҥ Хайа нэһилиэгин киинэ Хотугу полярнай эргимтэҕэ, Анаабыр өрүс уҥа биэрэгэр, оройуон кииниттэн Сааскылаахтан 180 килэмиэтир хоту сытар. Сэлиэнньэҕэ Саха сиригэр долганнар түөлбэлээн олороллор. 1930 сыллаахха тэриллибитэ. Сүрүн үлэлэрэ – таба иитиитэ балыктааһын, түүлээҕи бултааһын. Сэлиэнньэҕэ өрүс бириистэнэ, Култуура дьиэтэ, уопсай үөрэхтээһин орто оскуолата, доруобуйа харыстабылын уонна эргиэн тэрилтэлэрэ бааллар.

«Саха сирэ», edersaas.ru саайтка анаан АЛРОСА пресс-сулууспата

+1
0
+1
0
+1
0
+1
0
+1
0
+1
0
+1
0