Дьокуускайга полиция кинологическэй сулууспатыгар Арес диэн ааттаах абыраллаах ыт баар. Арес дьиэни халаабыт буруйдааҕы буларга көмөлөстө.
Ол курдук, 30 саастаах киһи арыгы иһэн баран маҕаһыыҥҥа тахсыбыт. Ол тахсан иһэн аара ыал дьиэтин түннүгэ аһаҕаһын бэлиэтии көрбүт. Дьиэҕэ ким да суоҕун билэн баран киирэргэ быһаарыммыт. Уопсайа 60 тыһыынча суумалаах малы-салы сойбоппут. Эмсэҕэлээччи дьиэтигэр кэлэн сүтүгүн көрөн, тута полицияны ыҥырбыт. Онуоха полиция үлэһиттэрэ Арес диэн ыты илдьэ кэлбиттэр. Ыт эмсэҕэлээччи дьиэтиттэн уоруйах сытын ылан, буруйданааччы дьиэтигэр тиийбит. Онон уорбаланар киһини тутан буруйдааҕын быһаарбыттар. Арассыыйа Федерациятын холуобунай кодексатын 158 ыст. «А» пуунун 3 чааһынан «уоруу» иһин холуобунай дьыала суукка тиийэн буруйданааччы сууттанна.
Ульяна Захарова.
+1
+1
+1
+1
+1
+1
+1