ЦУНАМИ СУУРАЙБАТ БУОЛУОХТУН !

Сомоҕолоһуу күнүн уран тылынан Уус Алдантан Полина-Победа  уруйдуур-айхаллыыр.

Күнү күн солбуйан
Саҥа күн үүннэҕэ,
СОМОҔО күнүнэн
Эҕэрдэ көттөҕө!

Олус да дууһабыт
Баҕарар дии эбээт
Сомоҕо буоламмыт
Түмсүүлээх буолуоҕу!

Баҕарар диэн кыра —
Дьулуһуох тустаахпыт
Хас биирдии бэйэбит
Сомоҕо буоларга!

Өйүнэн-санаанан
Өрөйөн биэриэҕиҥ,
Кэмсинэ-кэнэнэ
Кэтэнэн бүтүөҕүҥ!

Дойдубут, олохпут
Кэскилбит туһугар
Биир санаа сомоҕо
Буолары ситиэҕиҥ!

Биирдиилээн буолбакка
Хорунан ыллыаҕыҥ!
Биирдиилээн хаампакка
Сэлэлии хаамсыаҕыҥ!

Оччоҕо дьэ чахчы
Сымара таас курдук
Ханнык да тас күүскэ
Кыайтарбат буолуохпут!

«СОМОҔО» диэн тылбыт
Суолтата суоһуран
Ханнык да цунами
Суурайбат буолуохтун!

ПОЛИНА-Победа,
Уус Алдан

Уруһуй mirkosmosa.ru ылылынна