Юрий Трутнев Владимир Путинҥа Уһук Илин сайдыытын туһунан дакылааттаата

Илиҥҥи экэнэмиичэскэй форумҥа Уһук Илиҥҥэ социальнай уонна экэниэмикэ өртүгэр сайдыыга туһаайыллыбыт бырагыраамалар туох туһаны аҕалбыттарын ырытыы буолла. Уһук Илиҥҥэ Арассыыйа бэрэсидьиэнин боломуочуйалаах бэрэстэбиитэлэ Юрий Трутнев Владимир Путиҥҥа дакылааттаата. 

Уһук Илиҥҥи федеральнай уокурук сүрүн көрдөрүүлэрэ:

— Уһук Илиҥҥэ 654 млрд солк. чааһынай инвестиция угулунна, 113 саҥа тэрилтэ тутулунна, 22 тыһ. саҥа үлэ миэстэтэ таҕыста;

— Билигин Уһук Илиҥҥэ 2,8 трлн солк. инвестиция угулунна. Маны сэргэ илии баттаммыт сөбүлэһиилэри кытта ааҕан инвестициялар уопсай кээмэйдэрэ 6,7 трлн солк. тэҥнэһэр;

— Бары бырайыактар харгыһа суох урукку ууруллубут сорудахтар иһинэн үлэлии тураллар – сааҥсыйалар мэһэйдээбэтилэр;

— Бу диэки сайдыыны урутатыы эрэсиимэ үлэлиир буолан, сүрүн хайысхаларга Уһук Илин сайдыыта Арассыыйатааҕы орто көрдөрүүттэн үрдүк: инвестициялар киириилэрин үрдээһинэ — 29%, бырамыысыланнас оҥорон таһаарыытын тэтимэ — 26%;

— Уһук Илиҥҥэ 2021 сылга дьиэни тутуу дойду орто таһымыттан икки төгүл үрдүк көрдөрүүлээх;

— 2021 сылга көһөн кэлии өр сыллар тухары бастакытын бэлиэтэммит;

— 48 тыһ. дьиэ кэргэн “Уһук Илиҥҥи ипотеканы” туһанан саҥа тутуллубут дьиэлэргэ кыбартыыраламмыт;

— Уһук Илиҥи сайыннарыы үлэтин улахан суолталаах түһүмэҕинэн куораттары реновациялааһын уонна уопсастыбыннай территориялары тупсарыы буолар;

— 122 млрд. солкуобайга 1851 социальнай структура эбийиэктэр тутуллубуттар;

— Ыраах сирдэргэ айаннаан тиийээһини чэпчэтии үлэтэ ыытылла турар. Саҥа 388 маршрут баар буолбут, олортон 36-та субсидия нөҥүө чэпчэтиилээх;

— «Уһук Илин гектарынан» 107,4 тыһ. киһи туһаммыт;

— Урутаан сайдыы сирдэрин (ТОР уонна СПВ) олохтооһуҥҥа көрүллүбүт үп толуллан эрэр – бүддьүөккэ 50 млрд. солк. төннүбүт;

— Хотугу муора суолун сайыннарыы салгыы бара турар — 152 дьаһал ылылынна, ол иһигэр 10 ледоколу, 14 пуорду, 141 таһаҕас суудунатын, 12 спутнигы, 4 эмтиир уонна биологияны чинчийэр ааҕыныстыба уонна ЫБММ киин корпуһун тутуу туһунан дьаһаллар. Былаан кээмэйэ — 1,790 трлн солк.;

— 2 %- ны ставкаҕа чэпчэтиилээх үбүлээһининэн 28 бырайыак уопсайа 903 млрд солк. үбүнэн тутулунна. Бүгүҥҥү күҥҥэ ФРДВ (ВЭБ.ДВ) үбэ олоччу бүттэ. Чэпчэтиилээх бырагырааманы уһатарга этии киллэрилиннэ.