Тротуардар ыһыллыбыттар, фонтан үлэлээбэт… Тоҕо?

Ааптар: 
Бөлөххө киир:

Бу күннэргэ социальнай ситимҥэ Бороҕон бөһүөлэгэр саҥардыы оҥоһуллубут тротуардар ыһыллан эрэллэрин, фонтан алдьанан үлэлээбэтин, күүстээх тыал содулуттан алдьаныы-кээһэнии тахсыбытын, улуус дьаһалтатын аатыгар буруйдаан онно суох сурук тарҕаммыта.

Мүрү нэһилиэгин дьаһалтата бөһүөлэк иһигэр ыытыллар туох баар үлэни — хамнаһы, толотторор, хонтуруоллуур тус эбээһинэһэ буоларын быһыытынан, баһылык Василий Аммосов бөһүөлэккэ тахсыбыт алдьаныы туһунан бу курдук быһаарар:

Даамба хамсааһына тахсан, тротуар ыһыллыыта таҕыста. Биэрэги бөҕөргөтөр үлэ харчыта ааспакка, үлэ хаамыыта тардылынна, «Габион» сетка кэллэҕинэ, аттыгар сытар улахан таастарынан даамбаны тутар тутулук оноһуллуохтаах, тахсыбыт саахаллар көннөрүллүөхтэрэ, онон бу нэһилиэкпитигэр тахсыбыт итэҕэстэр кэмигэр туоратыллыахтара.

Үлэни индивидуальнай предприниматель Иннокентий Москвитин тэрилтэтэ ыыппыта. Алдьаныы тахсыбытынан тустаах тэрилтэ бэрэстэбиитэлэ Максим Гуляев бу курдук иһитиннэрэр: «Бу үлэни ыытыыга бэс ыйыгар Мүрү дьаһалтатын кытта хантараак  түһэрсиллибитэ. Проектнай-смета экспертизаны ааһар кэмигэр дойдубутугар ыытыллыахтаах Саха Өрөспүүбүлүкэтин VIII спортивнай оонньуулара саҕаланалларыгар бириэмэ ыгымынан сибээстээн, бэйэбит матырыйаалбытынан үлэни саҕалыы турбуппут. Экспертиза түмүгүнэн бырайыакка водоотвод суоҕун бэлиэтээн, сыыһалар булуллубуттара. Бырайыакка сыыһалар баалларын сакаас оҥоһуллубут тэрилтэтэ тоҕо эрдэ билбэтэҕэй диэҥҥэ эппиэттиир буоллахха, биһиги бырайыак оҥоһуллуутугар тустаах исписэлиистэр  буолбатахпыт, ол да буоллар уу сүүрэр сирэ оҥоһуллубатаҕын көрөн, сахалыы толкуйунан сорох сирдэринэн турба уурталаабыппыт. Билиҥҥи кэмҥэ бу боппуруоска Мүрү дьаһалтатын кытта үлэ бара турар, сотору кэминэн даамбаны тутар сетканы оҥоруу үлэтэ саҕаланыаҕа. Проектнай-смета экспертизаны ааһан, харчы хамсаата да алдьаныыны туоратар үлэни саҕалыахпыт. Сир тоҥо илигинэ бу итэҕэстэри туоратыахпыт».

Улуус дьаһалтатын пресс-сулууспата.

+1
0
+1
0
+1
0
+1
0
+1
0
+1
0
+1
0