Доруобуйа Сүрүн

«Триумфка» ыалдьыбат дьон тиийиилэрэ тохтуон наада

Ил Дархан COVID-19 сыстыганнаах ыарыыны бохсор суһал ыстаап үлэтин мунньаҕын ыытарыгар балаһыанньа уустугун бэлиэтээтэ.

Ыалдьыбыт ахсаана бүгүҥҥү күҥҥэ — 2820 киһи. Дьон ыарыыны чэпчэкитик аһардаллар. Ол эрээри ыараханнык ыалдьар дьон ахсаана аччаабат — реанимацияҕа 89 киһи сытар,  онтон 14 киһи — ИВЛ аппараатыгар холбонон сытар.

Дьон дьаҥынан чэпчэкитик ыалдьаллара быһыыны кытта ыкса сибээстээх.  80% киһи быһыыны ааста. Быһыыны ааспыт киһитин ахсаанынан соннук Чурапчы уонна Нам улуустара хаалан иһэллэр.

Миэхэ үгүс дьон араас боппуруостаах тахсаллар.  «Триумф» кииҥҥэ ыалдьыбат дьон тиийиитэ үгүс.  Ааспыт өрөбүллэргэ тумуулаабыт сибикитэ суох 500 киһи кииҥҥэ тиийэ сылдьыбыт.  Аптекалар бары эминэн толору хааччыллыылаах буолуохтаахтар. Эмкэ дойду үрдүнэн хааччах суох  — кэмигэр миэстэтигэр аҕалыахха эрэ наада, — диэн бэлиэтээтэ Ил Дархан уонна СӨ Доруобуйа харыстабылын миниистиригэр Лена Афанасьеваҕа оройуоннар балыыһалара саппаас эминэн толору хааччыллыылаах буолалларын болҕомтоҕо ыларга сорудахтаата.

Елена ПОТОЦКАЯ, “Саха сирэ” хаһыат, edersaas.ru

 

Хаартыска: СИА.

0
0
Telegram Whatsapp