Бүгүн эбиэттэн саҕалаан Дьокуускай куоракка «Триумф» спорт киинигэр амбулаторнай киин үлэтин саҕалаата.
Спорт киинигэр анаалыс туттараары, бырааска көрдөрөөрү сүүһүнэн киһи тоҕуоруста.
Кииҥҥэ киирдиҥ да температураҕын кэмнииллэр, салгыы экспресс-анаалыс ылаллар. Ол кэннэ 15 мүнүүтэнэн анаалыс түмүгэ тахсар. Бу кэнниттэн бырааска көрдөрөҕүн.
Бүгүҥҥүттэн уопсайа 175 киһи үлэлиир. Ол иһигэр 40 быраас, 100 мэдиссиинискэй сиэстэрэ уонна 35 алын сүһүөх мэдиссиинискэй персонала.
Киин сарсыҥҥыттан сарсыарда 08.00 чаастан киэһэ 20.00 чааска диэри өрөбүл күнэ суох үлэлиэҕэ.
+1
+1
+1
+1
+1
+1
+1