«Триумф» успуорт комплексыгар тэриллибит амбулаторнай кииҥҥэ икки күн устатыгар 3806 киһи сылдьыбыт
Дьокуускайга «Триумф» комплексыгар тэриллибит амбулаторнай кииҥҥэ икки күн иһигэр 3806 киһи көрдөрбүт.
Бу кииҥҥэ кэлбит дьон икки аҥы арахсан көрдөрөллөр, киириигэ уонна быраастарга көрдөрөргө электроннай уочарат терминаллара туруоруллубуттар. Бу туһунан уопсастыба доруобуйатын уонна мэдиссиинэ профилактикатын өрөспүүбүлүкэтээҕи киинин сүрүн бырааһа Алена Никитина тохсунньу 29 күнүгэр СИА иһитиннэрбит.
«Амбулаторнай киин өрөбүлэ суох күн ахсын сарсыарда аҕыстан киэһээ аҕыска диэри үлэлиир. Манна бары санитарнай ирдэбиллэр тутуһуллаллар«, — диэбит кини.
Маны сэргэ, ааспыт икки күҥҥэ манна 3806 киһи сылдьыбытын, олор ортолоругар 1056 киһи тымныйан (ОРВИ) ыалдьыбыта бэлиэтэммитин эппит. 962 киһи коронавирустааҕа быһаарыллыбыт. Тымныйыыта суох (ОРВИта суох) — 1671.
Санатан эттэххэ, «Триумф» успуорт комплексыгар коронавируһу бохсууга үлэлэһэр амбулаторнай киин Дьокуускайга доруобуйа харыстабылын бастакы сүһүөх звенотун үлэтин ноҕуруускатын кыччатар соруктаах тэриллибитэ.
СИА хаартыската
+1
+1
+1
+1
+1
+1
+1