«Кыһын Саха сириттэн саҕаланар» кыһыҥҥы туризм бэстибээлэ түмүктэнэр дьоро күнүгэр, «Триумф» спортивнай киин бырааһынньыктыы киэргэтиллэн көрүстэ.
edersaas.ru
Тула киһи хараҕа халтарыйар дьэрэкээн көстүүтэ. Сылдьыбыт эрэ киһи барыта сөҕөр тэрээһинэ. Дьэ, быйылгы бэстибээл тугунан сөхтөрөр эбит диэн санаалаах, мин араас быыстапканы анаан кэрийдим. Дьэ уонна булан ыллым да ыллым!
«Сладкие мечты» минньигэс кондитерскай аһы оҥорор тэрилтэ сүүнэ улахан торда үгүс киһини соһутта. Быһа түһэн эттэххэ, бу тэрилтэни тэрийээччилэр кыайыылаах быһыытынан бэлиэтээтилэр.
Кыһын сыыртан хатааһылааһын тиэмэтэ, кырдьык да, «Кыһын Саха сириттэн саҕаланар!» дии турар курдук.
Оттон бу «Гурмэ» бэлэм аһы оҥорон атыылыыр тэрилтэ лэппиэскэ иһигэр оҥорбут балыгын миинэ көрүөх бэтэрээ өттүгэр былдьаһыгынан амсайыыга барда.
Бу кус төбөлөөх куукулалар сыалыһар уонна дьарҕаа балыктар тириилэриттэн оҥоһуллубуттар. Дьиктилээхэй оҥоһук хаһаайкатыттан бэрт интэриэһинэй интервьюну ыллым.
Көрүҥ эрэ, киирэр ааны кытта сэргэстэһэ турар сүүнэ улахан унтуулары! Бу «Кыһыҥҥы таҥас быыстапката» диэн тэрээһин «визитнэй карточката».
Бу сүүнэ улахан балыктар пластмассаттан уонна кумааҕыттан оҥоһуллубуттар. Хаһаайыттарын булан анаан кэпсэттим.
Дьэ, онон күндү ааҕааччым, «Саха сирэ» хаһыат чэппиэрдээҕи хаһыатыттан бу бэрт интэриэһинэй дьону уонна кинилэр оҥоһуктарын туһунан кэпсэтиибин хайаан да ааҕаар.
Елена ПОТОЦКАЯ, «Саха сирэ» хаһыат, edersaas.ru
Хаартыскаҕа ааптар түһэриитэ.