LETO.YAKUTIA бэстибээл тэрийээччилэрэ иһитиннэрэллэринэн, Покровскай пааркатыгар трилобит быһыылаах ыскамыайка баар буолуоҕа.
Трилобит — 270 мөл. сыл аннараа өттүгэр үөскүү сылдьыбыт кыыл. Бу кыыл уҥуохтарын билиҥҥэ диэри Хаҥалас улууһугар булаллар. Трилобит быһыылаах ыскамыайканы скульптор Николай Чоччасов оҥоро сылдьар. Бэлиэтээн суруйдахха, ыскамыайка сылытардаах буолуоҕа уонна уотунан-күөһүнэн киэргэтиллиэ.
«Бу ыскамыайка үсүһүн оҥоһуллубут көрүҥүн көрөҕүт. Инникилэргэ холоотооххо, бу көрүҥэ быдан ыскамыайка быһыыланна, олорорго табыгастаах буолла. Сылытардаах уонна уоттаах-күөстээх буолуоҕа. Саҥа арт-эбийиэккэ аҕыс киһи олоруоҕа. Үлэлиирбэр араас литератураны аахтым, элбэҕи хаһыстым», — диэн скульптор Николай Чоччасов үлэтин туһунан кэпсиир.
Трилобиты кытта Покровскай пааркатыгар өссө атын кыыллар баар буолуохтара.
edersaas.ru
+1
+1
+1
+1
+1
+1
+1