![](https://edersaas.ru/wp-content/uploads/2017/01/tramp-tel.jpg)
Америка Холбоһуктаах Штаттарын бэрэсидьиэнэ Дональд Трамп Арассыыйаны кытта сатаһар уонна “Ислам судаарыстыбатын” (ИГИЛ, РФ бобуллубут тэрилтэ) “иһин-үөһүн тэбиир” санаатын ыһыкта илигин туһунан бүгүн, тохсунньу 27 күнүгэр, Fox News теле-ханаалга эттэ. Бу туһунан Новости РИА иһитиннэрэр.
Роман Попов, “Саха сирэ” хаһыат, https://edersaas.ru
—Биһиги Арассыыйаны кытта сатастахпытына, олус бэрт буолуо этэ. Ол Арассыыйаҕа уонна биһиэхэ үтүөнэн эрэ дьайыаҕа, — диэтэ АХШ баһылыга. Оттон ИГИЛ-ы кини “дьиҥнээх ыарыынан” ааттаата.
Трамп Арассыыйа бэрэсидьиэнин кытта бу субуоталаах өрөбүлгэ, тохсунньу 28 – 29 күннэригэр, төлөпүөнүнэн кэпсэтэр санаалаах.
Санатар буоллахха, Арассыыйа уонна АХШ баһылыктара былырыын сэтинньи ыйга төлөпүөнүнэн сэһэргэспиттэрэ. Онно Путин Трампы 2016 сыл сэтинньи 8 күнүгэр буолбут АХШ бэрэсидьиэнин быыбарыгар кыайыытынан эҕэрдэлээбитэ.
Роман Попов, “Саха сирэ” хаһыат, https://edersaas.ru
Хаартыска: Интернеттэн.