Уопсастыба

«Траектория карьеры» онлайн-дьаарбаҥкаҕа 5000 кэриҥэ ыччат кытынна

 Тохсунньу 27-28 күннэригэр Саха сирин үөрэҕин кыһаларыгар үөрэнэ сылдьар уонна бүтэрээри сылдьар устудьуоннарга итиэннэ үлэтэ суох гражданнарга «Траектория карьеры» диэн өрөспүүбүлүкэтээҕи онлайн-дьаарбаҥка ыытылынна.

Дьаарбаҥканы Нэһилиэнньэ дьарыктаах буолуутун судаарыстыбаннай кэмитиэтэ тэрийэн ыытта. Ол курдук үлэтэ суохтар  18 салаанан, ол иһигэр култуура салаатыттан саҕалаан тутуу эйгэтигэр тиийэ араас  вакансиялары көрдөнөллөрүгэр кыах бэрилиннэ.

Тэрээһин иитинэн вебинардар, маастар-кылаастар ыытылыннылар.

СӨ бырабыыталыстыбатын вице-премьерэ Кирилл Бычков эдэр ыччаты үлэнэн хааччыйыы боппуруоһа өрөспүүбүлүкэҕэ тыын суолталааҕын туһунан эттэ. «Эдэр дьон — бу сүрүн күүстэр. Өрөспүүбүлүкэ бигэ туруктаах сайдыыта эдэр ыччаттан быһаччы тутулуктаах. Онлайн-дьаарбаҥкаҕа бас-көс тэрилтэлэр, хампаанньалар кытыннылар», — диэн вице-премьер тэрээһин түмүгүнэн санаатын үллэһиннэ.

Ол курдук «Кадры для опережающего развития» былаһааккаҕа  «УК «Колмар», «Жатайская судоверфь» АУо,  «Саюри» ХЭУо курдук хампаанньалар  5 000 кэриҥэ оробуочай миэстэни көрдөрдүлэр.

Уопсайа тэрээһиҥҥэ 5 тыһыынча кэриҥэ киһи кытынна.

 

СӨ Ил Дарханын уонна Бырабыыталыстыбатын пресс-сулууспата

0
0

Добавить комментарий