Уопсастыба

«Тотальнай дьыктааҥҥа» 60 дойду кыттыһар



Тотальнай дьыктааҥҥа” быйыл 60 дойду кыттыһан, 3 тыһыынчаттан тахса былаһааккаҕа суруйуохтара.

Онон аахсыйа ыытыллар кэминэн планета 6 континеныгар 19 чааһынан курдааһыны хабыаҕа. Саамай соҕурууҥу туочукатыгар – Антарктикаҕа “Восток”, “Мирный” станциялар үлэһиттэрэ кыттыһыахтара. Оттон саамай хотугу туочукатыгар – Певектээҕи уста сылдьар атомнай теплоэлектростанция үлэһиттэрэ суруйуохтара.

Арассыыйаҕа биир эрэгийиэнтэн ураты, бары эрэгийиэннэргэ суруйаллар. Оттон кыраныысса таһыгар 59 дойдуга аахсыйа ыытыллар. Бу дойдулар бары урут суруйбут уопуттаахтар, арай, Бали арыыта быйыл эбии кыттыста. Бэйэни хааччахтаныы эрэсиимэ баар дойдуларыгар дьыктаан ЗУМ көмөтүнэн ыытыллар.

Маны тэҥэ, дьиэҕэ олорон суруйарга #пишемдома былаһааккалара 250 куоракка арыллыахтара. Нуучча тылын үөрэтэр омук дьоно TruD диэн тест толороллор.

Ангелина Васильева, “Саха сирэ” хаһыат, edersaas.ru

Хаартыска: totaldict.ru

0
0