Бүгүн Саха сиригэр бокса күүскэ сайдыбыта 60 сыла буолла. Өрөспүүбүлүкэбит саамай аатырбыт уон боксерун билиһиннэрэбит.
www.edersaas.ru
Георгий Балакшин — спорт үтүөлээх маастара, Арассыыйа алта, Европа үс төгүллээх чөмпүйүөнэ. Итини тэҥэ, кини аан дойду чөмпүйэнээтин уонна Үтүө Дьулуур оонньуутун үрүҥ көмүс призердара, Пекиннээҕи Олимпиада боруонса мэтээлин хаһаайына. СӨ Спордун миниистирэ.
Василий Егоров – спорт үтүөлээх маастара, 2015 сыллаах Европа чөмпүйэнээтин кыайыылааҕа, Арассыыйа икки төгүллээх чөмпүйүөнэ. Аан дойду чөмпүйэнээтигэр үрүҥ көмүс мэтээлинэн наҕараадаламмыта. Итинэн Риотааҕы Олимпиадаҕа кыттар бырааптанан, 49 киилэҕэ күрэхтэспитэ.
Анатолий Филиппов – норуоттар икки ардыларынааҕы кылаастаах маастар, 1987 сыллаах Сэбиэскэй Сойуус чөмпүйүөнэ. Ол сыл Европа чөмпүйэнээтигэр бэһис миэстэ буолар. 1992 сыллаах Барселонатааҕы Олимпиадаҕа күүһүн холонор.
Александр Михайлов – норуоттар икки ардыларынааҕы кылаастаах маастар, 1978 с. Сэбиэскэй Сойуус чөмпүйүөнэ, Тбилисигэ буолбут норуоттар икки ардыларынааҕы турнир кыайыылааҕа. 1979, 1981, 1982 сс. Саха АССР чөмпүйүөнэ.
Виктор Ефремов – норуоттар икки ардыларынааҕы кылаастаах маастар, ССРС чөмпүйэнээтин боруонса (1980), үрүҥ көмүс (1981) призера.
Сергей Самойлов – норуоттар икки ардыларынааҕы кылаастаах маастар, 1988 с. ССРС эдэрдэргэ күрэхтэһиитин кыайыылааҕа, дойду эр дьоҥҥо чөмпүйэнээтигэр икки тҕгүл боруонса мэтээлгэ тиксэр. 1991 с. КГТ чөмпүйүөнэ буолар, олимпийскай хамаандаҕа киирэр.
Афанасий Поскачин – норуоттар икки ардыларынааҕы кылаастаах маастар, 2000 сыллаах Арассыыйа чөмпүйэнээтин 1 кыһыл көмүс, 2 үрүҥ көмүс уонна 2 боруонса мэтээллэрин хаһаайына буолар.
Эдуард Кауфман – спорт маастара, 1964-65 сс. Сэбиэскэй Сойуус чҕмпүйэнээтигэр боруонса мэтээли ылбыта. 1968 с. ССРС зонатааҕы күрэхтэһиитин кыайыылааҕа буолар, онтон финалга бастыыр.
Артем Никифоров – спорт маастара, 1956 сыллаахха ыытыллыбыт Саха сирин боксаҕа бастакы чөмпүйэнээтин кыайыылааҕа.
Николай Жирков – норуоттар икки ардыларынааҕы кылаастаах маастар, РСФСР 1972, 1973, 1978 сыллаах чөмпүйүөнэ, Сэбиэскэй Сойуус кубогын 1978 сыллаах кыайыылааҕа.
Айтана АММОСОВА бэлэмнээтэ.