Маны аах Уопсастыба

Томпо урбаанньыта социальнай хантараагынан дьыалатын сайыннарда

Элбэх оҕо ийэтэ, Томпо улууһун Арыы Толоонун олохтооҕо Анастасия Степанова асчыт бэрдэ. Кини сылтан сыл сатабыла үрдээн, хаачыстыбата тупсан испитэ, онон кэнники кэмҥэ бу дьарыгын идэ оҥосторго санаммыта.

Бу саас Анастасия биисинэс-былаан суруйан көмүскээн, социальнай хантараагынан урбаанын сайдыытыгар 300 000 солкуобайы ылбыта. Ити үбүнэн асчыт тоҥорор камера,  холодильник уонна минньигэс хартыыналары бэчээттиир принтер атыыласпыта. Ону кытта астарын суулуур кумааҕыны, хоруопкалары эмиэ ылбыта.

Ити курдук саҥа урбаанньыт дьыалатын саҕалаабыта. Сүрүннээн бисквит, мүөттээх, сакалааттаах, онноҕор моркуоптаах туортары астаан атыыга таһаарар. Бирээнньик, кекс, безе курдук астары эмиэ атыылыыр. Кини астыыр минньигэстэрин Арыы Толооҥҥо эрэ буолбакка, Кириэс Халдьаайыттан, Ударниктан кытта кэлэн хамаҕатык атыылаһаллар.

0
0
Telegram Whatsapp