Ыраах Томпо улууһуттан Саха сирин норуоттарын VIII спортивнай оонньууларыгар 21 спортсмен кыттыаҕа. Бу туһунан суруналыыс, улуус хаһыатын кылаабынай редактора Ирина Бодруг иһитиннэрдэ.
Ол курдук, дьоҕус хамаанда успуорт алта көрүҥэр, ол иһигэр спортиҥҥа, буулдьанан ытыыга, тустууга (эр дьон уонна дьахталлар), остуол тенниһигэр, ГТО кыттыахтара.
Улуус хамаандатын оскуолаҕа түһэрбиттэр. Спортсменнарга, тириэньэрдэргэ бары усулуобуйа тэриллибит.
Томпо улууһун хамаандата үһүс бөлөххө кыттар. Бу бөлөххө Кэбээйи, Горнай, Өймөкөөн, Уус Маайа, Үөһээ Дьааҥы, Орто Халыма улуустара уонна Жатай киирэллэр.
Санатан эттэххэ, Спортивнай оонньууларга хамаандалар түөрт бөлөххө арахсаллар.
Бастакы: Дьокуускай, Хаҥалас, Бүлүү, Ньурба, Нерюнгри, Мэҥэ Хаҥалас, Мииринэй, Алдан, Ленскэй улуустара уонна ХИФУ.
Иккис: Чурапчы, Амма, Нам, Сунтаар, Таатта, Үөһээ Бүлүү, Өлүөхүмэ улуустара, Уус Алдан хаһаайын буоларынан икки хамаанданы туруорар бырааптаах. Маны сэргэ АГАТУ уонна РССС киирэллэр.
Төрдүс: Аллайыаха, Булуҥ, Анаабыр, Үөһээ Халыма, Усуйаана, Өлөөн, Муома, Эдьигээн, Аллараа Халыма, Эбээн Бытантай уонна Абый улуустара.
edersaas.ru