Алдан өрүскэ муус харыыта үөскээбититтэн, Томпо улууһун түөрт нэһилиэнньэлээх пууна ууга барыан сөбүн туһунан ЫБММ Саха сиринээҕи управлениета иһитиннэрэр. Ыксаллаах балаһыанньа үөскүүр түгэнигэр Томпоҕо дьону эвакуациялыахтара.
edersaas.ru
sakha.gov.ru сайт суруйарынан, Уус Маайаҕа Элдьикээн бөһүөлэгэр күн бастакы аҥаарыгар уу таһыма 6 см үрдээбит. Оттон Эдьээҥҥэ быһыы-майгы уларыйа илик. Оннунан турар. Гидромет билгэлээһининэн, муус устубатаҕына, уу таһыма 1695 см диэри тахсыан сөп. Томпо улууһугар Дьабарыкы Хайа, Кэскил, Мэҥэ Алдан, Хаандыга ууга барар кутталлаахтар. Халаан уута ылыан сөптөөх сиригэр 459 дьиэ турар. Манна 1085 киһи олорор. Билиҥҥи туругунан 1220 миэстэлээх быстах кэмҥэ олорор 10 пууну бэлэмнээтилэр.
ЫБММ Саха сиринээҕи управлениетын төлөпүөнэ күнүстэри-түүннэри үлэлиир. Тыҥааһыннаах балаһыанньа үөскүүр түгэнигэр тута 8 (4112) 39-99-99 эрийэн биллэриҥ.
Биһ. корр., edersaas.ru
+1
+1
+1
+1
+1
+1
+1