Быйыл Томпо улууһуттан төрүттээх Дьокуускайга олорор дьон түмсүүлэрэ Томпо улууһун дьаһалтатын кытта (улуус баһылыга Яков Степанов) бииргэ сүбэлэһэн баран түмсүү сэбиэтин тэрийбиттэрэ. Сэбиэт председателинэн суруналыыс Николай Бястинов талыллыбыта. Томпо улууһугар сайын устата хас да улахан уот турбута. Бу ыксаллаах кэмҥэ “Томпо” түмсүү төрөөбүт дойдутугар тута көмөҕө туруммута. Түмсүү сэбиэтин председателэ Николай Бястинов туох көмө оҥоһуллубутун уонна өссө туох көмө киирэ турарын туһунан маннык кэпсээтэ.
Ил Түмэн депутата, “Саханефтегазсбыт” АУо генеральнай директора Виктор Лебедев уоту бохсууга хара маҥнайгыттан күүскэ ылсан көмөлөспүтүнэн барбыта. Биир саамай сытыытык турар уматык боппуруоһугар: ДТ –1500 л, АИ-92 – 1500 л ылыыны үбүлээбитэ. Соторутааҕыта Томпо улууһугар 2 тонна уматык-оҕунуох матырыйаалларын ыытта. Итини таһынан Хаандыга бөһүөлэгин таһыгар кэлбит уоту бохсууга “Авиалесоохрана” 18 үлэһитин илдьэргэ 2 “ПАЗ” автобуһу биэрдэ.
Биир дойдулаахтарыгар көмөлөһөн “Комдрагметалл” АУо генеральнай директора Александр Кычкин 100 тыһ.солк., “Сахатранстефтегаз” АУо генеральнай директора Алексей Колодезников 150 тыһ.солк., “Адгезия-металлоконструкции” ХЭУо директора Егор Сивцев 35 тыһ.солк. ыыппыттара.
«РЦТИ» ГУП (ген.директор Руслан Винокуров) уонна “Агенство инвестиционных решений” ХЭУо ( директор Иван Нестеров) кыттыһан Байаҕантай нэһилиэгэр 50 тыһ.солк. көмөнү оҥорбуттара. Байаҕантай нэһилиэгиттэн төрүттээх “СК-Регион” ХЭУо гендиректора Леонид Охлопков – 50 тыһ.солк., “Дорожное эксплуатационное предприятие N 135” АУо гендиректора Александр Свинобоев – 100 тыһ. солк. харчынан, уматык атыылаһыытыгар 50 тыһ. солк., “Саха врестлинг ММА” спортивнай кулууп салайааччыта Иван Охлопков – 100 тыһ.солк. төрөөбүт нэһилиэктэригэр аадырыстаах көмөнү оҥордулар.
Итини тэҥэ “Медиа-холдинг “Якутия” АУо директора Владимир Сыромятников уонна “Драгоценности Якутии” ХЭУо гендиректора Василий Кычкин кыттыһан Хаандыгаҕа аһы-үөлү уонна уоту умулларыыга наадалаах таҥаһы-сабы, сэби-сэбиргэли толору тиэммит автобуһу ыыппыттара.
Республика бу бөдөҥ да, орто да тэрилтэлэрин салайааччылара уот турбут атын даҕаны улуустарыгар көмөлөрө улахан. Онон Томпо улууһун олохтоохторо бэйэлэрин киэн туттар уолаттарыгар махталлара улахан.
Татьяна Павлова
Хаартыскаларга: “Топмо” түмсүү көмөтө улууска айаннаата