Бу күннэргэ Томмот куоракка улахан үбүлүөйдээх кэнсиэр буолаары турар эбит.
edersaas.ru
«Быһа сибээскэ» пандемия кэмигэр тоҕо дьону мунньар улахан кэнсиэр ыытылларын ыйыппыттарыгар, Ил Дархан Айсен Николаев:
—— Миэхэ ити боппуруоска тахса сылдьыбыттарыгар, «Саха сирин Тимир суоллара» акционернай хампаанньа генеральнай дириэктэрэ Василий Шимохины кытта кэпсэтэ сылдьыбытым. Кини: «Тэрилтэбит төрүттэммитэ 25 сылыгар анаммыт үбүлүөйдээх кэнсиэри бары санитарнай ирдэбили тутуһан ыытыахпыт.
Кэнсиэргэ дьону мунньубаппыт, сабыылаах кэнсиэр буолуоҕа» диэн эппитэ. Онон салайааччы ити тылын толороругар эрэнэбин, — диэн бэлиэтээтэ.
Ол гынан баран, Стас Михайлов курдук Арассыыйа эстрадатын аатырбыт сулуһун кэнсиэрэ хайдах сабыылаах буолара буолла? Кини кэнсиэрин көрүөн баҕалаах элбэҕэ чахчы…
Елена ПОТОЦКАЯ, «Cаха сирэ» хаһыат, edersaas.ru
Хаартыска: интэриниэттэн