Хаартыска: Саина Титова, СИА.
Сонун бэстибээл «Үлэ кыбаартала» кластерга элбэх дьону — сэргэни муста. Бэстибээлгэ кэнсиэрдэри, маастар — кылаастары, анимацияҕа лиэксийэлэри ыыттылар, саҥа сахалыы ойуулуктары көрдөрдүлэр.
Үөрүүлээх тэрээһиҥҥэ үгүс оҕо, ыччат кыттыыны ылла. Бэстибээл тэрийээччитинэн «Саха» НКИХ буолар. Хампаанньа быйыл «Тооку» саҥа ойуулугу оҥорон таһаарбыт, маны таһынан, «Фиксики», «Малышарики», «Тима и Тома» и «Три кота» диэн ойуулуктары сахалыы саҥардыбыт.
«Билигин Саха сиригэр анимация күүскэ сайда турар. НКИХ сахалыы ойуулуктары оҥорон, айан таһаарарын үрдүнэн, дьоҕурдаах дьоҥҥо бэйэни арыйарга, көрдөрөргө кыах биэрэр. Бэстибээл аралдьытар уонна үөрэтэр блоктары хабар. Тэрээһин сүрүн сыалынан саҥа идиэйэлэри түмүү, ситим олохтооһуна уонна анимацияны сайыннарыы буолар», — диэн бэлиэтиир Саха НКИХ толорооччу продюсера Анна Кириллина.
«Тооку» диэн ойуулук, кырдьык да, бэртээхэй. Саха сиригэр төрөөбүт тылы харыстыырга уонна сайыннарарга туһуламмыт бырагыраамаларга улахан болҕомто ууруллар. Сүрүннээн биһиги оҕолорбут төрөөбүт сахалыы тылларын умунубатыннар», — диэн эттэ СӨ Бырабыыталыстыбатын бэрэссэдээтэлин солбуйааччы Сергей Местников.
+1
2
+1
+1
+1
+1
+1
+1