Бу күннэргэ социальнай ситимнэринэн Өлүөхүмэ улууһугар Токко өрүс ортотунан суол оҥорбуттарын туһунан видео тарҕанан, үгүс киһи соһуйда.
Экология миниистирэ Сахамин Афанасьев туһааннаах түгэнинэн билигин барыллаан административнай силиэстийэлээһин ыытылларын туһунан иһитиннэрдэ.
«Рудник Таборный» ХЭУо быстах кэмҥэ айан-сырыы олохтуур сыаллаах өрүскэ кутуу суол оҥорбут. Туһааннаах үлэни ыыталларыгар СӨ Экологиятын министиэристибэтин кытары сөбүлэһии, дуогабар түһэрсибэтэхтэр. Онон бүгүн ыытыллыбыт рейдэ түмүгүнэн, административнай дьыала көбүтүллүөҕүн (ст. 7.6. уонна ст. 8.13 КоАП) туһунан министиэристибэ иһитиннэрдэ.
Миниистир «Рудник Таборнай» ХЭУо тулалыыр эйгэҕэ хоромньу таһаарбыта билиннэҕинэ, хоромньутун боруостуохтааҕын туһунан бэлиэтээн эттэ.
Хаартыска https://minpriroda.sakha.gov.ru
edersaas.ru