Маны аах Успуорт

Токиотааҕы Паралимпиадаҕа Саха сириттэн кыттар спортсменнар күрэхтэһэр күннэрэ билиннэ

Kyodo ааҕыныстыба суруйарынан, Токиоҕа ыытыллар Паралимпийскай оонньуулары тэрийэр кэмитиэт коронавирус дьаҥынан ыалдьааччы асхаана элбээбитинэн сибээстээн, күрэхтэһиилэри көрөөччүлэрэ суох ыытар былааннаах.

Токиоҕа атырдьах ыйын 24 күнүттэн балаҕан ыйын 5 күнүгэр диэри ыытыллар Паралимпиадаҕа  Саха сириттэн үс спортсмен Арассыыйа сүүмэрдэммит хамаандатыгар киирбитэ. Ол курдук харбааһыҥҥа Анастасия Диодорова, оҕунан ытыыга Степанида Артахинова уонна олорон волейболга Алена Дмитриева.

Бу күннэргэ кыргыттар  күрэхтэһэр күннэрэ биллибитин туһунан Саха сиринээҕи Паралимпийскай кэмитиэт бэрэссэдээтэлэ  Николай Дегтярев иһитиннэрдэ.

Анастасия Диодорова:
— Атырдьах ыйын 26 күнэ — эстафета (кыттыы чуолкайдар);
— Атырдьах ыйын 30 күнэ — 50 миэтэрэ, дельфинныы харбааһын;
— Балаҕан ыйын 3 күнэ — 100 миэтэрэ, көхсүнэн харбааһын.

Степанида Артахинова:
— Атырдьах ыйын 27 күнэ  — квалификационнай ытыы;
— Атырдьах ыйын 29 күнэ  — микс күрэх (икки буолан ытыы );
— Атырдьах ыйын 30 күнэ — соҕотохтуу ытыы.

Алена Дмитриева:
— Атырдьах ыйын 28 күнэ (Кытай — Арассыыйа)
— Атырдьах ыйын 30 күнэ (Руанда — Арассыыйа)
— Балаҕан ыйын 1 күнэ (Арассыыйа — АХШ).

edersaas.ru

 

0
0
Telegram @edersaas20