Үлэһиттэригэр сэнэбиллээхтик сыһыаннаһар, киэптиир-киэбирэр, киһинэн аахпат салайааччылар болҕомтолоругар: үлэһиккитин үөхтэххитинэ, административнай дьыалаҕа эриллэн эппиэттиэххитин сөп.
Нам улууһун борокуратуурата биир муниципальнай тэрилтэҕэ үлэлиир дьахтар сайабылыанньатынан бэрэбиэркэ ыыппыт. Кини борокуратуураҕа чиэһин уонна киһи быһыытынан дьоһунун көмүскэтээри тиийбит.
Бэрэбиэркэ быһаарбытынан, бу тэрилтэ начаалынньыгын солбуйааччы хамнаһыттан харчы туппуттарыттан сылтаан, үлэһитин кытта кини кабинетыгар кыыһырсыбыттар. Ол ардырҕаһа туран, эр киһи дуома дьахтары дьахтар, киһи быһыытынан түһэрэр ыыс-бурут тылларынан үлтү үөхпүт.
Сити күн аны тэрилтэ салайааччытын кабинетыгар киирэн, дьахтары эмиэ үөхпүт.
Борокуратуура ити чахчынан РФ Административнай кодексатын 5.61-с ыст. 1 чааһынан дьыала тэрийбит. Дьыала мировой суукка көрүллэн, буруйдаах тойон 20 тыһ. солк. ыстараап төлүүргэ ууруллубут.
Ону таһынан, борокуратуура туруорсуутунан, бу киһи дьиссипилиинэ эппиэтинэһигэр тардыллыбыт.
Бу туһунан СӨ Борокуратууратын пресс-сулууспата иһитиннэрдэ.
Биһиги корр., «Саха сирэ» хаһыат, edersaas.ru
Ойуу: интэриниэттэн