«Тойон кыыл» киинэ «Спутник над Польшей» бэстибээлгэ ситиһиилэннэ

Сэтинньи 8-18 күннэригэр Варшаваҕа «Спутник над Польшей» диэн Арассыыйа киинэлэрин бэстибээлэ буолла. Бастыҥнары аан дойду киинэтин бас-көс дьоно Иоанна Кос-Краузе, Мирослав Ханишевски уонна Ханна Рыдлевска дьүүллээтилэр. 

Уон күн иһигэр үс хайысханан сүүрбэ киинэни көрдөрдүлэр. Уопсай түмүккэ уус-уран киинэлэргэ Гран-при хаһаайынанан Наталия Мещанинова «Сердце мира» киинэтэ буолла. Релизкэ суруллубутунан, бэйэни билинии уонна соҕотохсуйуу туһунан киинэ эбит. Оттон иккис миэстэни Эдуард Новиков режиссердаах «Тойон кыыл» киинэтэ, үсүһү Владимир Битоков «Глубокие река» киинэтэ ыллылар. 

Бу туһунан «Сахафильм» киинэ хампаанньа инстаграм-страницата иһитиннэрэр. edersaas.ru

https://www.instagram.com/p/BqWGw0SBU3p/?utm_source=ig_web_copy_link