Маны аах Успуорт

Тойбохойго улуустааҕы дуобат күрэҕэ ыытылынна

Бу күннэргэ Сунтаар  Тойбохойугар улуус биир күүстээх дуобатчыта, элбэх күрэхтэр кыайыылаахтара, үгүс оҕону дуобат тумара хонуутугар киллэрбит, эрчийбит тренер Степан Михайлович Саввинов сырдык кэриэһигэр үгэс буолбут улуустааҕы дуобат күрэҕэ ыытылынна.

Тыҥааһыннаах киирсии түмүгүнэн, бастакы дуоскаҕа  эр дьоҥҥо (МС, КМС) кыайыылаах үрдүк аатын Уаров Василий Александрович (Сунтаар) ылла.  Иккис миэстэ Никифоров Игорь Афанасьевич (Сунтаар), үһүс
Васильев Серафим Павлович (Сунтаар) буоллулар.
Иккис дуоскаҕа эр дьоҥҥо (разрядтаахтар):
1 миэстэ Николаев Борис Егорович (Тойбохой)
2 миэстэ Филиппов Иван Данилович (Дьаархан)
3 миэстэ Еремеев Василий Васильевич (Маар Күөл).

Үһүс дуоскаҕа  дьахталларга бастакы миэстэни Сунтаартан Николаева Пелагея Викторовна ылла. Иккискэ
Степанова Екатерина Николаевна (Сунтаар), үһүскэ  Константинова Александра Николаевна (Тойбохой) таҕыстылар.

Кыайыылаахтар Саввиновтар дьиэ кэргэн уонна аймахтара, Тойбохой дьаһалтата туруорбут сыаналаах бириистэринэн наҕараадаланнылар. Ону таһынан элбэх биширэбил бириистэр туттарылыннылар.

 

edersaas.ru

Хаартыска: @suntar.news

0
0