Тойбохойдооҕу оҕо дьиэтин иитиллээччилэрэ сонун дьарыктаннылар

22.01.2021
Бөлөххө киир:

Саха хомуһун сайдыытыгар сүҥкэн кылааттаах биир дойдулаахпыт Антонина Никитина быйылгыттан Тойбохойдооҕу оҕо дьиэтин иитиллээччилэригэр «Хомусотерапия» диэн анал дьарыгы ыытар.

edersaas.ru, Мария Кобельянова

«Исцелимся звуками хомуса» диэн киһини чэбдигирдэр бырайыак оҥостон Тойбохойдооҕу оҕо дьиэтин иитиллээччилэригэр ZOOM нөҥүө араас хабааннаах дьарыктар саҕаланнылар.

Бырайыак хаамыыта үс түһүмэхтээх: саха хомуһун киэҥ онобула, биллиилээх хомусчуттары кытта оҕолору билиһиннэрии, кинилэри хомуска оонньуур ньымаларыгар угуйуу, уһуйуу уонна оҕолор бэйэлэрэ хомуһу тарда үөрэниилэрэ буолар.

Хоруона хамсыгын кэмигэр оҕолор интэриэстэрин тардар сыалтан арааһы тобулан, хас биирдии дьарык уратылаах буоларыгар дьаныһан туран үлэ барар. Дьарык көмөтүнэн оҕолор аралдьыйаллар, билиилэрэ кэҥииир, санаалара көтөҕүллэр уонна хомус тыаһынан айылгыны сааһылааһын, чэбдигирдии олохтонор.

Манан диэн этэххэ, олох очуругар оҕустарбыт оҕолор майгы-сигили, доруобуйа өттүнэн энчирээһиннэрэ баар буолар, ону көннөрөр, тупсарар туһугар маннык бырайыак төһө эмэ көмөлөһөр. Маннык саҥа хамсааһына саха төрүт култууратын, муусука тыаһын-ууһун, кэрэ эйгэтин сайыннарар этнопедагогика буолар.

Мария КОБЕЛЬЯНОВА — ТУСКУЛААНА, Сунтаар 

+1
0
+1
0
+1
0
+1
0
+1
0
+1
0
+1
0