Тойбохойдооҕу кыраайы үөрэтэр мусуой 85 сылын бэлиэтиир

Бөлөххө киир:

1936 сыл сэтинньи 7 күнүгэр Тойбохойго оччолорго эдэркээн пионер-баһаатай, учуутал Георгий Евдокимович Бессонов көҕүлээһининэн учууталлар, үөрэнээччилэр, төрөппүттэр уонна уопсастыбаннас күүстэрин холбоон, Кыраайы үөрэтэр мусуой аһыллыбыта. Бастакы экспонаттары оскуола үөрэнээччилэрэ, учууталлар чугастааҕы нэһилиэктэртэн аҕалбыттара.

Мусуой мас дьиэтэ хаста да кэҥэтиллэн, тупсарыллан, кэлин 2001 сыллаахха АЛРОСА көмөтүнэн 2 этээстээх таас дьиэҕэ мусуой матырыйааллара көһөрүллүбүттэрэ.

Кэнники сылларга мусуой экспозицияларын саҥардыы, тупсарыы үлэтэ тэтимнээхтик барар. Экспонаттары туһанан экспресс-уроктар, көһөрүллэ сылдьар быыстапкалар тэриллэллэр, эбии үөрэхтээһин дьарыктара куйаар ситиминэн ыытыллаллар.

Быйыл мусуой 85 сылынан араас үлэлэр, тэрээһиннэр ыытылла тураллар. Алтынньы ыйтан саҕалаан  кыраайы үөрэтэр мусуой саалаларынан видео-билиһиннэриилэр ыытылыннылар. Олор түмүктэринэн 2 түһүмэхтээх тургутуктар буола тураллар. “Экспонаатта бэлэхтээ, түгэни үйэтит”  аахсыйа  тэриллэн, урукку иһиттэр, ат тэриллэрэ, кинигэлэр, о.д.а. экспонаттар туттарылыннылар.

Мусуойбутун тэрийбит Георгий Евдокимовичка уонна өр сылларга үлэлээн ааспыт дьоммутугар сүгүрүйэбит, махтанабыт.

Мусуой кэлэктиибэ.

+1
0
+1
0
+1
0
+1
0
+1
0
+1
0
+1
0