Георгий Бессонов аатынан Тойбохой орто оскуолатын Х кылааһын үөрэнээччилэрэ: “Саҥа көлүөнэ” оҕо уопсастыбаннай тэрилтэтин президенэ Сильвия Илларионова уонна кини солбуйааччыта Вова Егоров кулун тутар 27-28 күннэригэр ыытыллыбыт “ Билэбит-көрөбүт, доҕордоһобут уонна сайдабыт – үөрэнээччилэр Арассыыйатааҕы хамсааһыннарын кытта” диэн өрөспүүбүлүкэтээҕи бэстибээлгэ оскуолаларын чиэһин көмүскээтилэр.
edersaas.ru
Оҕо уопсастыбаннай тэрилтэтин үлэтин оскуолаҕа учууталлар Екатерина Васильева уонна Алена Саввинова сүрүннүүллэр.
Ол курдук, СӨ Үөрэҕин уонна наукатын министиэристибэтэ тэрийбит бэстибээлигэр биһиги оҕолорбут Сильвия Илларионова уонна Вова Егоров “Оҕо тэрилтэтин электроннай быыстапката – презентацията” уонна “Социальнай реклама куонкуруһа” бырайыактарынан кыттан, үһүс миэстэни ыллылар. Түмүккэ СӨ үөрэххэ уонна наукаҕа миниистирэ Владимир Егоров илии баттааһыннаах Грамотатынан наҕараадаланан, дойдуларыгар үөрүү көтөллөөх эргилиннилэр.
Мария САВВИНОВА, “Саха сирэ”, edersaas.ru саайтка анаан